1.Barrakka ta' Fuq Mikiel: Vocals / Yamaha PSR-E343 / Handclaps Christa: Vocals David: Bullet Stratocaster / Tanglewood
Sibtek tistenna taħt l-arkati nittama li ma tantx ngħid ċuċati forsi nsir nafek ftit… sabiħa! Irrid insir nafek, insir nafek ħafn’ aħjar! Irrid insir nafek, insir nafek ħafna aħjar!
X’aħna ħelwin, qisna żewġ artisti, ma jafna ħadd, hawn ħafna turisti, j’Alla ssir tafni ftit, sabiħa! Irridek tafni, tagħrafni naqra aħjar! Irridek tafni, tagħrafni tikka aħjar.
U dat-tferfir jawguraln’ affarjiet sbieħ! Forsi se nogħġbok, int ġa togħġobni u rridek! U jekk isir dak kollu l’ed nittama fih, qalbi tixpakka, anka b’li qed idduq. Bija please trakka, illum fil-Barrakka ta’ Fuq.
Ġmiel ta’ veduta, barka w’sliem, frak tal-pastizzi għall-ħamiem, u forsi mmorru lura d-dar imbissma. Jaf jinbidel kollox – jaf tibdilli kollox illum! Ejja ħa nagħrfek, nafek aħjar bla ma ndum.
U dat-tferfir jawguraln’ affarjiet sbieħ! Forsi se nogħġbok, int ġa togħġobni u rridek! U jekk isir dak kollu l’ed nittama fih, qalbi tixpakka, iv’anke b' li qed idduq! Bija please trakka, illum fil-Barrakka ta’ Fuq!
2. Maduma Waħda Mikiel: Vocals, Tanglewood, Bullet Stratocaster, Yamaha PSR-E343 Mikiel & Christa: Backing Vocals
Illum illum, tistenninix, ħa ndum. Illum illum, tistenninix, ħa ndum. Taf fejn se nkun, m’inix sejjer niġġerra. Żanżant il-qmis li xtrajt mill-Ingilterra!
Qalbi mutur, idejja sħan għarqana, Awwissu pur, il-longa u is-sħana! Biss fuq il-floor, b’qawsalla fuq xufftejha... kollox ileqq, għajnejja fuq għajnejha!
Jiena u Joan fuq maduma waħda – nintrassu flimkien u nixxallalla… Ara fejn hi, ta’ xagħarha mfelfel kbir! Inħossni king… għalkemm jien ħaddiem fqir. Nispera biss, li lili tiggustani għax għandha mnejn illejla issalvani!
Illum – inħares f’għajnejk u narani sabiħ... Illum – b’idejja f’idejk insib li jien sħiħ... Illum – ferħan qiegħed ħdejk, it-toqol nerħih... Illum – inbuslek ħaddejk inħossni rebbieħ... Illum – int toffrili kenn li jilqagħli ir-riħ... Illum – irridek toħodni sa ma nixjieħ...
Ara fejnha! Isa, spara! Biċċa bagħla taż-żunżan! Ġiet ma wiċċi – mhux qed nara! Din il-bagħla taż-żunżan! Isa ejja, isa kkarga! Isa ħa tneħħilha n-nelħ! Is' għedtlek, spara! Ajma ħej – spiċċali l-melħ!
Ara ġejja, ġejj’ għalija din il-bagħla taż-żunżan! Ajma ġejja, ġejj’ għalija din il-bagħla taż-żunżan! Ajma ġejja, ġejj’ għalija!
Ara fejnha! Ħarġet oħra! Kien hemm waħda, issa tnejn! Ġrejt warajha bil-karkura! Waddabtielha imm’ għalxejn!
Minn qiegħ l-Asja sabet lili, daħlet fil-ventilatur! Taret ħafna w’ħafna mili! F’dal-pajjiż riedet futur!
Ajma ġejja, ġejj’ għalija din il-bagħla taż-żunżan! Ajma ġejja, ġejj’ għalija din il-bagħla taż-żunżan! Ajma ġejja, ġejj’ għalija!
Issa fgajtha sprej apposta, għalaqtilha kullimkien! Tiri f’tiri għax hi tosta, fitta iktar mid-dubbien! Ġibt barmil kollu imtaqqab, deher jogħġobha għax sabih! Daħlet fih biex tissendika, qaltli ‘iva, se nixtrih!’
Reġgħet ħarġet, tħokk ma’ wiċċi... ala Mad Max! Proset Mik, kemm inti tajjeb, għalkemm tqil, għandek reflex! Geżwirtha fit-toilet paper, xot white spirit – ma tatx kas! Tajtha n-nar u mbagħad minn fuqha irrumblajt it-tank tal-gass!
Aħdar, tqil tal-Liquigas!
4. Miegħek Biss Mikiel: Vocals, Tanglewood, Ukelele, Yamaha PSR-E343, Mikiel & Christa: Backing Vocals
Kultant nixtieq għandi dgħajsa biex naħrab l-istorbju u l-ġenn. Nilgħaq ix-xmux, Kinnie w’bebbux mingħajr wisq impenn.
U kultant nixtieq l-avventura fuq muntanji qishom ġelat. Jew f’xi deżert fejn xejn m’hu ċert, ramel jew blat…
Biss kultant nixxennaq li nkun miegħek biss għax miegħek jien wisq ferħan.
Kultant nixtieq għandi iżjed għax nitkejjel b’riget in-nies, ma nkunx kuntent ngħix il-mument, qalbi tibbies!
Biss kultant nixxennaq li nkun miegħek biss għax miegħek jien wisq ferħan! Oh, kemm tagħmilni ferħan... Għax miegħek jien wisq ferħan!
Illejla m’għadnix mitluf x’imkien. Nagħraf tikk’iktar aħjar min jien! M’għadnix nibża mid-dlam tal-lejl. Le, m’għadnix nibża, m’għandix għalfejn.
Illum imsaħħar b’did-dinja maħsula lwien, nagħlaq għajnejja w’nistrieħ lubien! Meta s-sħab jidher tqil w’oskur u ma nsibx fejn nistkenn immur
Clarita ddawwal is-sema kif tidħak, tiċċaċra tinstema’! Kewkba tintlemaħ itteptep u l-lejl m’għadux dlam...
Ngħannaqha miegħi inħossni sigur, nistrieħ. Biha f’dirgħajja jien bniedem sħiħ! Anke għalija kien hemm jum ġdid, iv’anki għalija kien hemm jum ġdid!
U Clarita ddawwal dinjieti u mmansatli dawn ħsibijieti u qomt fuq saqajja, għax nimxi maġenbha irrid... U Clarita timlili qalbi u tħallini mxebba’ kuntent! U taf kif terfagħni bħal min vera jridli il-ġid.
Estrellita, muy bonita, brilla con bondad! Quédate conmigo para siempre!
Chiquitita, sé bendita por la eternidad... valiente e inocente.
Kien għad għandi biss eighteen, hi kellha tmienja u għoxrin! Ħadtha d-dar biex nuriha s-salott. Il-Papà sabbat saqajh b’ommi tixher minn warajh, lanqas naf kemm-il salib rajtu jrodd!
Qalli – ibni, għidli sew x’ġibtha tagħmel ‘il di hawn ġew, għadek żgħir u ħalib ommok fi snienek! Għidtlu – pa, ma tafx x’qed tgħid u għal parir jien ma staqsejtx! Iss’ ism'ekk trid, u żgur li jerġà jibdielek –
Għax inħobbha għax vera grazzjuża! Inħobbha għaliex naprezzaha! Inħobbha għax avventuruża! Inħobbha għaliex niggustaha!
Inħobbha għax tgħallimni l-ħajja u taf kif tagħmilni kuntent! U għax il-kliem tad-diski tiegħi tgħallmithom kollha bl-amment!
Ommi żbruffat bħal vulkan kif semgħet dat-tifħir Qaltli – dwari, missierek l-istess kien jgħid! Iltqajna u konn’għadna tfal, mingħajr ppjanat, waqt open bar! Beda hu u miegħu jiena komplejt!
Għedtilhom – kemm ma tifhmux! Bħal Denise żgur ma rajtux! Se niżżewġu u ġa ffissajna id-data!
Din kollha għira, kollha lumi! Nitlaq ’l hemm u ħadd ma jlumni! Minn di żgur – se nibqa nadura ’l Denise!
Għax inħobbha għaliex hi perfetta, inħobbha għax ma tiżbaljax! Inħobbha għax taf tirrispetta! Inħobbha għalkemm ma ssajjarx!
Inħobbha għax leħinha ħelu u għandha għajnejha tondi w’sbieħ! Inħobbha għax tkellimni b’żelu u magħha d-dwejjaq fis ninsih!
Għax iktar retta minn d’Akkwina, iktar mansweta minn San Ġorġ! U lanqas temmen, żgur sinjal – di bħalna, ma, kunjomha Borg!
Inħobbha għax qatt ma niġġieldu u naqblu f’kollox – kull suġġett! U kulma tilbes jixirqilha, kemm għonnella u kemm dublett!
Inħobbha għax tagħtini ħinha sakemm ma tidħolx overtime! F’ġisimha m’hemmx għadma ħażina, la twaddab ġebel u lanqas tajn!
Inħobbha għal kif titbissimli u għal kif tagħfasni fid-dlam. Inħobb' għax issejjaħli b'ismi u tidlikli l-bezzun bil-ġamm!
U nħobbha għalkemm tal-Jehova w'għalkemm missierha Laburist! Inħobbha ħafna għaliex qaltli li sakemm tmut, tħobb lili biss!
Fi żmien ftit xhur tkunu kunjati, bgħatt email ġa lill-Arċipriet! Kemm jien kuntent għax jekk Alla jrid, ma ndumx ma nagħmilkom nanniet!
Umbagħad telqitni!
8. Fuq l-Istess Erba' Kordi Mikiel: Vocals / Yamaha PSR-E343 / Tanglewood
Fuq l-istess erba’ kordi ppruvajt ninseġ il-kliem. Mal-ħsus ta’ qalbi dort u għaqadt, kultant hekk nagħmel jien.
Għax inbati biex infisser li għandi bżonn ingħid. Kont drajt hawn ġew fl-irdoss tas-swar, nammetti kont insejt.
Kif nitbissem u ninfetaħ, kif fiduċja nerġa’ nsib. Ngħix bis-sħiħ il-ħin sabiħ li nsib miegħek ħabib.
Ma stennejtx jasal għada biex ngħidlek dan il-kliem. Kemm nistqarr din, la sibt dal-ħin, int taf kif nagħmel jien.
Sieħbi, nħobbok għax int grazzja u għanejtni b’ħafna ġid. M’għandix kliem, kemm sbieħu l-jiem... minn mindu sibt lilek ħabib, mindu sibt lilek ħabib.
9. Mizmor LeDavid Mark Borg Baldacchino: Vocal David: Bullet Stratocaster / Tanglewood Mikiel: Vocal / Yamaha PSR-E343/ Tambourine Mikiel & Francesca: Backing Vocals / Handclaps
Ikollok ħniena minni fi tjubitek! Fil-kobor tal-ħniena tiegħek ħassar ħtijieti! Aħsilni mid-dnub li ħliefu ma narax, o Mulej
Imsawwar jien mil-ħtija, minn dnub ommi jien magħġun. Spirtu qawwi ġedded fija, le, twarrabnix illum! Semmagħli biss il-ferħ u l-hena tiegħek, o Mulej!
Oħloq fija qalb safja, o Mulej! Kyrie Eleison!
Aħsilni u nissaffa w’iktar mis-silġ nisbieħ! Twarrabx din qalbi niedma, tonfoħx fuq dal-musbieħ...
Iftaħli xufftejja u nkanta t-tifħir tiegħek, o Mulej...
Oħloq fija qalb safja o Mulej! Kyrie Eleison! Eħlisni mill-piena tal-mewt, għax kelmtek hi tajba u sew!
Kyrie Eleison!
10. Għal Sofia Mikiel: Vocal / Yamaha PSR-E343/ Jewharp / Tanglewood Mikiel & Christa: Backing Vocals
Nixtieq naqbad inkisser, inġenġel mis-sisien. Inħott, inwaqqa’, nfarrak, ħa nurik ftit min jien.
Inżarma l-pedestalli l’ għollewk mgħola s-smewwiet. Mejn mhux kapaċi tara, min għadu ħaj, min miet.
Nitfilek l-arroganza, infakkrek mnejn inti ġej. U li mingħajr plebej bħali inti bħali - m’inti xejn.
Hemm povru għadu mkisser taħt it-torba w’terrapien. Kull ħames snin jivvota lil min jikxef l-isbaħ snien.
Nixtieq ninfaqa’ nibki biss mhux insib id-dmugħ. Nitolbok tispjegali kif spiċċajt hekk, bla ruħ.
M’hemmx Alla fostna iżjed, m’hemmx Kristu u Xitan. Hemm inti bl-ingravata, simpatiku w’daħkan.
Nixtieq naqbad inkisser, imm’ hawnhekk ġa imfarrak lest. Għax kulħadd qed jitħanżer, imwieled mill-inċest.
Pedina f’din il-logħoba, bir-referee korrott. Kull plejer huwa mixtri min b’kamra u min b’jott.
Is-sema m’għadhiex tidher, bit-trab u t-terrapien. U t-toqol m’huwiex ġebel u il-mejjet huwa jien.
11. Tini l-Għatx Mikiel: Vocals/ Yamaha PSR-E343 / Tanglewood
Tini ir-rieda nidritta dax-xtur, tini x-xewqa nkun tajjeb u pur. Tul ħajti ’tmagħni dil-benna, dal-ġmiel, żommni ’l bogħod minn kull frugħa u xkiel.
Tini l-għatx, agħtini l-għatx, tini is-saħħa biex le, ma nixbax. Tini l-għatx, tini l-għatx, agħtini l-għatx.
Żommni nadif bħal tarbija fil-ġuf, tħallinix nagħlaq għajnejja mitluf. Tini l-għatx, tini l-għatx, agħtini l-għatx
Personnel: Mikiel Camilleri Haber: Kant stunat u daqq skurdat Christa Camilleri Haber: Kant fuq 1, 2, 4, 5, 7, 10 Elijah Paul Camilleri Haber: Għajjat u Sparar fuq 3 David Camilleri Haber: Kitarri fuq 1, 7, 9 Francesca Baldacchino: Kant fuq 6, 9 Mark Borg Baldacchino: Kant fuq 9
mikiel 